Манай улсын зах зээлд вакум цонх, хаалганы хэрэгцээ их байдаг боловч одоо байгаа үйлдвэрүүд вакум цонх, хаалганы чанарын шаардлага болон стандартыг төдийлөн хангаж чадахгүй байна. Ийнхүү стандартад үл нийцэх, чанар муутай цонх зах зээлд гаргаснаар үргүй зардлын хэмжээ өсөх ба хэрэглэгчид дараах давуу талуудыг авч чаддаггүй байна.
1. Дулааны хэмнэлт гаргах.  Вакум цонх хаалга нь дуу чимээ сайн тусгаарладаг ба дулааныг сайн хадгалдаг тул манай орон шиг хүйтэн сэрүүн уур амьсгалтай улсад нэн тохиромжтой юм. Хүйтнээс хамгаалах гүүрэн тусгаарлагчтай, гадна дотно орчныг вакумжуулсан орон зайгаар тусгаарладаг тул тасалгааны дулааныг сайн барьдаг. Үүгээрээ халаалтын зардал мэдэгдэхүйц хэмнэдэг. (жилд дунджаар 15-30 % хэмнэлт )
2. Хотын өнгө үзэмжийг нэмэгдүүлэх. Вакум цонх нь гадаад үзэмж сайтай, бөгөөд өгөрч ялзардаггүй тул арчилгаа бага шаардана. Арчилж цэвэрлэхэд хялбар бөгөөд ердийн цонхноос тоос шороо бага нэвтрүүлдэг тул таны цаг завыг хэмнэнэ.
3. Эдийн засгийн хэмнэлт. Ердийн цонхыг бодвол эхлээд гарах зардал өндөр боловч удаан эдэлгээтэй учир эдийн засгийн хувьд арвилан хэмнэлттэй. (дунджаар 10-20 жилийн эдэлгээтэй)
4. Эрүүл ахуй болон тав тухыг мэдрүүлнэ. Дуу чимээнээс сайн тусгаарлана, тоос шороо, ус үл нэвтрүүлнэ, борооны ус зайлуулагч хоолойтой, агааржуулалтын системтэй ( эрүүл ахуйн шаардлага хангана) Өвлийн цагт цантаж мөстөхгүй галд тэсвэртэй, бат бөх чанартай.